HOLDAP

Please visit the following to listen to the music
http://picasaweb.google.com/gold50/Holdap03

By Gary Granada

Minsan ako ay nag-agahan
Doon sa bandang Nagtahan
Nang mayrong nagkagulo sa isang tambayan
At ang usap-usapan
Ay tungkol sa isang holdapan
Sa isang pampasaherong sasakyan

Nang aking nilapitan
Tamang-tamang naabutan
Ang isa sa biktimang nagsalaysay
At ang bukambibig
Niyaong mamang nanginginig
Salamat daw at siya’y naiwan pang buhay.

Chorus
Nanakawan na at naholdap si Juan
Nguni’t ang holdaper pa ang pinasalamatan
Nabaon sa utang ang bayan ni Juan
Nguni’t ang nagnakaw pa ang pinararangalan

Isang kinsenang kayod
Ang pinagpawisang sahod
Ay nahulog sa kamay ng magnanakaw
Pati yung estudyante at aleng mukhang pasyente
At lolang halos di makagalaw

Relo, singsing at hikaw
Pati ngiping natutunaw
Sinimot noong disenteng lalake
Mabuti na lang daw at mabait iyong mamaw
Sila’y inabutan pa ng pamasahe.

Chorus
Nanakawan na at naholdap si Juan
Nguni’t ang holdaper pa ang pinasalamatan
Nabaon sa utang ang bayan ni Juan
Nguni’t ang nagnakaw pa ang pinararangalan


Nguni’t minsa’y namukhaan
Nitong kawawang si Juan
Ang holdaper kanya palang kapitbahay
Malimit mag-abuloy ng abubot at burloloy
Sa tuwing may okasyong pambaranggay

Siya ay kwelang kwela
Sa simbahan at eskwela
Bida kay bishop, kay judge, at kay kapitan
Taun-taon pati ay may medalya at plake
Ang magiting at dakilang kawatan

Chorus
Nanakawan na at naholdap si Juan
Nguni’t ang holdaper pa ang pinasalamatan
Nabaon sa utang ang bayan ni Juan
Nguni’t ang nagnakaw pa ang nasa PAMAHALAAN!